РАНС

Талачынскі раённы аддзел па надзвычайных сітуацыях запрашае Вас для афармлення дакументаў і паступлення на дзённую форму навучання ва Універсітэт грамадзянскай абароны МНС Рэспублікі Беларусь.

Служба ў шэрагах МНС Рэспублікі Беларусь ганаровая і прэстыжная. Работнікі МНС сёння карыстаюцца заслужаным аўтарытэтам і павагай у насельніцтва.

Паступленне ва ўстанову адукацыі МНС дае вам шэраг пераваг:

-бясплатнае пражыванне ў сучасным блокавым інтэрнаце;

-бясплатнае 3-х разавае харчаванне;

-бясплатнае забеспячэнне форменным абмундзіраваннем;

-стыпендыя - ад 250 рублёў;

-бясплатнае навучанне практычнаму ваджэнню з атрыманнем вадзiцельскага пасведчання катэгорыі «В»;

- дзяржаўнае страхаванне жыцця і здароўя;

-бясплатны праезд па тэрыторыі Рэспублікі Беларусь да месца правядзення водпуску і назад;

-забеспячэнне жыллём з дзяржаўнага жыллёвага фонду і службовымі жылымі памяшканнямі,

-захаванне дзяржаўнай падтрымкі пры будаўнiцтве або набыцці жылых памяшканняў у выглядзе выдзялення ільготнага крэдыту;

-Высокі ўзровень заработнай платы. Работнікам МНС, якія знаходзяцца ў водпуску, у поўным аб'ёме выплачваецца заработная плата і выдаецца дапамога на аздараўленне;

-бясплатнае медыцынскае абслугоўванне работнікаў МНС і членаў іх сем'яў ажыццяўляецца ў ведамасных установах аховы здароўя;

-выслуга гадоў, якая дае гарантаванае пенсійнае забеспячэнне, складае 20 гадоў, кожны наступны год службы дадае 3% да пенсійнага забеспячэння, узрост выхаду на пенсію - 48 гадоў, у выслугу гадоў ідзе тэрмін навучання ў навучальнай установе МНС;

-гарантаванае працаўладкаванне. Пасля выпуску, курсанты, якія скончылі універсітэт, маюць магчымасць выбару месца службы;

-магчымасць займацца навуковай і творчай дзейнасцю;

Падрыхтоўку спецыялістаў для органаў і падраздзяленняў МНС Рэспублікі Беларусь праводзіць: «Універсітэт грамадзянскай абароны МНС Рэспублікі Беларусь» у г. Мінску (www.ucp.by), па спецыяльнасці «Папярэджанне і ліквідацыя надзвычайных сітуацый» прахадны бал у 2019г. у юнакоў - 228, па спецыяльнасці «Пажарная і прамысловая бяспека» прахадны бал у 2019г. у юнакоў - 205 (на платнай аснове). У 2019г. 5 кандыдатаў з Лёзненскага раёна паступілі ва УА МНС Рэспублікі Беларусь.

Уступныя выпрабаванні: беларуская (руская) мова на выбар, фізіка, матэматыка ў форме цэнтралiзаванага тэсцiравання + бал атэстата. Тэрмін правядзення ўступных выпрабаванняў у перыяд з 18 па 21 ліпеня.

Па заканчэнні выпускнікам прысвойваецца спецыяльнае званне «лейтэнант унутранай службы» і кваліфікацыя «інжынер па папярэджанні і ліквідацыі надзвычайных сітуацый».

У выпадку недабору балаў і не праходжання па конкурсе ў вышэйшую навучальную ўстанову, маецца магчымасць перанакіраваць дакументы і паступіць у наступныя сярэдне спецыяльныя навучальныя ўстановы вядучыя падрыхтоўку спецыялістаў для МНС:

1. Салігорскі дзяржаўны горна-хімічны каледж (уступныя выпрабаванні: беларуская (руская) мова на выбар, матэматыка ў форме цэнтралiзаванага тэсцiравання + бал атэстата, у 2019г. прахадны бал склаў 134);

2. Гомельскі дзяржаўны машынабудаўнічы каледж (уступныя іспыты: па сярэднім бале атэстата, у 2019г. прахадны бал склаў 75 на бюджэт, 55 - на платную форму навучання);

3. Полацкі дзяржаўны хіміка-тэхналагічны каледж (уступныя іспыты: па сярэднім бале атэстата, у 2019г. прахадны бал склаў 59).

Запланаваны тэрмін навучання ў сярэдне спецыяльных навучальных установах 2 гады 7 месяцаў. Пасля іх заканчэння маецца магчымасць паступлення завочна на скарочаны форму навучання ў вышэйшыя навучальныя ўстановы МНС на 3 курс.

Пераканаўча просім Вас сур'ёзна і адказна падысці да дадзеных прапаноў, абмеркаваць магчымасць паступлення ва ўстановы адукацыі на сямейным савеце з бацькамi, у коле сяброў і знаёмых. У выпадку прыняцця станоўчага рашэння звяртайцеся ў Талачынскі раённы аддзел па надзвычайных сітуацыях (г.Талачин, вул.Леніна, д.89). <!-- I--> <!-- b-->