У Віцебскай вобласці арганізацыя пры атрыманні наяўнай выручкі парушыла падатковае заканадаўства

Падрабязнасці прыводзіць прэс-служба ІМПЗ Віцебскай вобласці

Арганізацыя, атрымаўшы 72 тысяч рублёў наяўнай выручкі, не залічыла гэтую суму на банкаўскі рахунак, а выкарыстала яе на выдачу пазыкі работніку прадпрыемства. Прычым са згаданай наяўнай выручкі не быў вылічаны падаходны падатак з фізічных асоб.

Дадзены факт выяўлены камеральнай праверкай ІМПЗ Віцебскай вобласці. Па выніках праверкі пасля накіраванага плацельшчыку паведамлення ў добраахвотным парадку падаходны падатак у суме 9,4 тысяч рублёў паступіў у бюджэт.