Мінпрацы: сярэдні памер пенсіі па ўзросце ў лютым складзе Br930

Сярэдні памер пенсіі па ўзросце ў лютым складзе Br930, паведамілі БЕЛТА ў прэс-службе Міністэрства працы і сацыяльнай абароны.

З 1 лютага павышаюцца ўсе віды працоўных пенсій: па ўзросце, за выслугу гадоў, па інваліднасці, з прычыны страты карміцеля. У выніку пераразліку памер працоўнай пенсіі павялічыцца ў сярэднім на 10 працэнтаў.

Паводле папярэдняй ацэнкі, сярэдні памер пенсіі па ўзросце ў лютым 2025 года складзе Br930, а гадавое павелічэнне (люты 2024 года да лютага 2025-га) - Br120, або 14,8 працэнта.

У Міністэрстве працы і сацыяльнай абароны падкрэслілі, што памер павелічэння працоўнай пенсіі ў кожнага пенсіянера будзе свой у залежнасці ад працягласці стажу і велічыні заработку, улічаных пры вылічэнні яму пенсіі, а таксама ўстаноўленых даплат да асноўнай пенсіі.

У цэлым лютым расходы на выплату пенсій складуць каля Br2,2 млрд, з іх на павышэнне пенсій будзе накіравана Br196 млн.