Масавая ўборка цукровых буракоў пачалася ў Беларусі

Масавая ўборка цукровых буракоў пачалася ў Беларусі, паведамілі БЕЛТА ў прэс-службе Міністэрства сельскай гаспадаркі і харчавання.

У гаспадарках і арганізацыях краіны пачалі ўборку цукровых буракоў - адной з ключавых тэхнічных культур.

Аграрыям трэба будзе ўбраць ураджай з плошчы 107 тыс. га. Паводле даных на бягучы момант, ужо ўбрана 6 працэнтаў пасяўных плошчаў, або 6 тыс. га. Валавы збор цукровых буракоў перавысіў 304 тыс. т.

Сярэдняя ўраджайнасць культуры значна перавышае паказчыкі мінулага года і складае 476 ц/га, што на 57,7 ц/га вышэй за ўзровень мінулага года.

Уборачная кампанія праходзіць у Брэсцкай, Гродзенскай, Мінскай і Магілёўскай абласцях, якія ствараюць надзейную сыравінную базу для цукровай галіны краіны.

Версія для друку

Да спіса