Прыём грамадзян па асабістых пытаннях правёў сёння старшыня Віцебскага аблвыканкама Аляксандр Субоцін

Прыём грамадзян па асабістых пытаннях правёў сёння старшыня Віцебскага аблвыканкама Аляксандр Субоцін.

Да яго звярнуліся чатыры заяўніцы. Жыхаркі Віцебска не згодныя з планаваным зносам іх прыватных дамоў на вуліцы Лявонава для ўзвядзення шматпавярховак. Прыйшлі да кіраўніка вобласці як у апошнюю інстанцыю.

Палачанка з актыўнай грамадзянскай пазіцыяй звярнулася па шэрагу пытанняў, якія тычацца добраўпарадкавання ў сектары прыватнай забудовы. На працягу 11 гадоў яна не можа дамагчыся ліквідацыі самавольнага вываду ліўневай канавы з вуліцы Будзёнага на вуліцу Бялінскага.

Трэці зварот быў з Оршы-з нагоды невыканання даручэння па асфальтаванні ўчастка вуліцы, дадзенае мясцовым уладам мінулай восенню на прыёме ў старшыні Савета Рэспублікі Наталлі Качанавай.

Аляксандр Субоцін даў даручэнні службовым асобам, адзначыўшы:

- Няправільна, што да такога ўзроўню даходзяць пытанні з канавамі, суседскімі спрэчкамі і іншымі лакальнымі праблемамі. Але думаю, там ёсць нейкія нюансы, схаваныя моманты, якія не дазвалялі іх лёгка вырашыць. Палітра пытанняў вялікая, хацелася б усім дапамагчы.