Змены ў Канстытуцыю па пытаннях сямейных каштоўнасцяў абмеркавалі ў ТЦСАН прадстаўнікі грамадскасці

Пытанні ўмацавання сям'і і накіраваныя на гэта вынесеныя на рэферэндум змяненні і дапаўненні ў Канстытуцыю Рэспублікі Беларусь абмеркавалі 17 лютага на дыялогавай пляцоўцы ў Тэрытарыяльным цэнтры сацыяльнага абслугоўвання насельніцтва Талачынскага раёна.

Перад прысутнымі на мерапрыемстве асобамі з ліку дзяцей-сірот і дзяцей, якія засталіся без апекі бацькоў, выступілі:

- начальнік упраўлення па працы, занятасці і сацыяльнай абароне райвыканкама Ганна Піменава;

- першы сакратар райкама БРСМ Ірына Фёдарава;

- старшыня раённай арганізацыі РГА «Белая Русь» Ала Краўчанка;

- кіраўнік раённай арганізацыі Беларускага таварыства Чырвонага Крыжа Дыяна Кашуніна.