У Талачынскім раёне першыя ўдзельнікі рэферэндуму ўжо зрабілі свой выбар

Участкі для галасавання ў Талачынскім раёне пачалі сваю працу. Першыя грамадзяне ўжо прынялі ўдзел у галоўнай грамадскай і палітычнай кампаніі краіны.

«Заўсёды прыходжу ў першы дзень датэрміновага галасавання. Лічу, што курс, якім мы ідзем, правільны. Я цалкам падтрымліваю змены ў Канстытуцыю, якія сёння нам прапануе дзяржава. Жадаю, каб мае дзеці і ўнукі, як і я, жылі ў незалежнай і квітнеючай Беларусі. Я люблю сваю краіну і свой горад», - падзялілася ўражаннямі пенсіянерка Галіна Якуціна.