Спецыялісты сацыяльнага абслугоўвання Талачынскага раёна абмеркавалі змены ў Канстытуцыю

Дыялогавая пляцоўка па абмеркаванні змен у Канстытуцыю і рэферэндуму прайшла 10 лютага са спецыялістамі ДУ «Тэрытарыяльны цэнтр сацыяльнага абслугоўвання насельніцтва Талачынскага раёна» пад дэвізам «Партнёрства дзяржавы і сям'і ў інтарэсах будучых пакаленняў».

«Сацыяльная накіраванасць галоўнага Закона краіны відавочна. І для нас, як работнікаў сацыяльнай сферы, гэта арыенцір у нашай дзейнасці па далейшым аказанні дзяржаўнай падтрымкі ўсім катэгорыям грамадзян», - падвяла вынік сустрэчы начальнік упраўлення па працы, занятасці і сацыяльнай абароне райвыканкама Ганна Піменава.