Паважаныя жыхары Талачынскага раёна!

Прыміце шчырыя віншаванні з Днём Канстытуцыі Рэспублікі Беларусь. Гэта свята ўсіх, хто ганарыцца сваёй краінай, шануе яе гісторыю, хто працай і талентам уносіць штодзённы ўклад у росквіт роднай зямлі. Менавіта прыняцце і наступнае ўдасканаленне Асноўнага Закона шмат у чым вызначыла сучаснае развіццё Беларусі як моцнай прававой дзяржавы. Ён служыць надзейным арыенцірам дзяржаўнай палітыкі, накіраванай на стварэнне эфектыўнай эканомікі, забеспячэнне сацыяльнай абароны і дабрабыту насельніцтва, беражлівыя адносіны да традыцый і каштоўнасцей беларускага народа.

Будучыня любой краіны знаходзіцца ў руках яе грамадзян. Наш агульны абавязак - ведаць і дакладна выконваць закладзеныя ў Канстытуцыі нормы, беражліва ставіцца да сваіх правоў і ведаць свае абавязкі. У немалой ступені гэта з'яўляецца залогам паспяховай рэалізацыі эканамічнага, культурнага і духоўнага патэнцыялу нашай краіны.

Шчыра жадаем вам моцнага здароўя, міру, шчасця, увасаблення ўсіх вашых задум, новых працоўных дасягненняў на карысць роднай зямлі!

Старшыня Талачынскага
раённага выканаўчага камітэта А. М. Лындзін

Старшыня Талачынскага
Раённага Савета дэпутатаў Г.Г. Мурашка