«Мы ўсе ведаем цану суверэнітэту нашай дзяржавы»

Дыялогавая пляцоўка па абмеркаванні праекта Канстытуцыі і маючага адбыцца рэферэндуму прайшла 3 лютага ў Тэрытарыяльным цэнтры сацыяльнага абслугоўвання насельніцтва Талачынскага раёна з работнікамі сацыяльнай сферы.

«Важнасць унясенні змяненняў у галоўны Закон краіны немагчыма пераацаніць. Мы шмат гадоў сваёй працавітасцю будуем нашу дзяржаву і ўсе ведаем кошт яе суверэнітэту. Як прадстаўнікі сацыяльнай службы мы ўпэўнены, што сацыяльная арыентаванасць дзяржаўнай палітыкі не толькі будзе захавана, але і прымножана для тых катэгорый грамадзян, якія маюць патрэбу ў нашай дапамозе», - адзначыла начальнік упраўлення па працы, занятасці і сацыяльнай абароне Талачынскага райвыканкама Ганна Піменава.