Кіраўніцтва Талачынскага раёна выказала словы ўдзячнасці воінам-інтэрнацыяналістам і ветэранам вайны ў Афганістане

15 лютага ў нашай краіне адзначаецца сумная і ўрачыстая дата -Дзень памяці воінаў-інтэрнацыяналістаў.

33 гады прайшло з таго моманту, калі савецкія войскі пакінулі Аўганістан. Але чым далей адыходзяць ад нас тыя лёсавызначальныя падзеі, тым ясней бачыцца веліч подзвігу патрыётаў Айчыны.

Вы, паважаныя воіны-інтэрнацыяналісты, першымі падняліся на барацьбу з міжнародным тэрарызмам, адважна ваявалі з ворагам, дапамагалі брацкаму народу. Вы засталіся адданыя абавязку, прысязе і Айчыне.

Мы схіляем галаву перад светлай памяццю загінуўшых землякоў і ніколі не дазволім прынізіць значнасць іх гераічнага служэння свайму народу.

Прыміце шчырыя пажаданні моцнага здароўя, шчасця, дабрабыту. Міру і дабра вам і вашым сем'ям.