ВЫКАНАЎЧЫ КАМІТЭТ
Беларускія ўстановы адукацыі гатовы пры неабходнасці прыняць на навучанне дзяцей з Украіны. Аб гэтым заявіў міністр адукацыі Андрэй Іванец сёння ў час падагульняючай нарады галоўнага ўпраўлення ідэалагічнай работы і па справах моладзі Мінгарвыканкама, перадае карэспандэнт БЕЛТА.
"У сістэме адукацыі поўнасцю выбудавана работа па прыёме ўсіх дзяцей, якія прыязджаюць з тэрыторыі Украіны. Гэтыя хлопчыкі і дзяўчынкі знаходзяць месцы ва ўстановах дашкольнай адукацыі і ў нашых установах агульнай сярэдняй адукацыі. Безумоўна, мы на заканадаўчым узроўні выступаем з ініцыятывай пашырыць іх магчымасці", - сказаў Андрэй Іванец.
Міністр таксама адзначыў, што цяпер для моладзі і ў цэлым для насельніцтва Беларусі пытанні ідэалагічнага і патрыятычнага выхавання выйшлі на першы план. "Маладыя людзі вельмі адчувальныя да таго, як з імі выбудоўваюць дыялог. Моладзь цікавіць шмат пытанняў, і мы павінны даць на іх адказы. Тым больш што ў нашай краіне, як адзначыў кіраўнік дзяржавы, ёсць усе зыходныя пазіцыі. Нам не трэба распаўсюджваць фэйкі для таго, каб данесці праўду людзям", - рэзюмаваў міністр адукацыі.