Беларусы атрымалі другую перамогу ў розыгрышы Кубка развіцця

У мінскім футбольным манежы завяршыўся другі тур 20-га розыгрышу Кубка развіцця, паведамляе карэспандэнт БЕЛТА.Сваю другую буйную вікторыю запар сёння атрымалі футбалісты юнацкай зборнай Беларусі (U-16), разграміўшы аднагодкаў з Казахстана з вынікам 4:0. Мячы забілі Рэнат Галіямедаў, Данііл Чаргейка, Арцём Палуянаў і Ягор Молчан. У першым туры спаборніцтваў групы У падапечныя Сяргея Шульжыка ўпэўнена перайгралі таджыкаў - 3:0 (галы: Данііл Чаргейка, Ілья Вярэніч, Максім Сакута). У актыве зборнай Расіі (U-17) таксама дзве перамогі: над Казахстанам - 3:1 і Таджыкістанам - 6:1.У групе А зборная Беларусі (U-17) сёння згуляла ўнічыю з узбекскімі футбалістамі - 1:1. У складзе беларусаў вызначыўся Даніэль Вольскі. На старце каманда Дзмітрыя Караткевіча абгуляла азербайджанцаў з лікам 2:0 (Ілья Губарэвіч, Дзяніс Аўсяннікаў). Каманда Расіі (U-16) спачатку разышлася мірам з узбекамі - 2:2, а сёння адолела азербайджанцаў - 1:0.