Віцебскае абласное аб'яднанне прафсаюзаў вылучыла кандыдатаў у дэлегаты Усебеларускага народнага сходу

 

Разам мы - нязломная сіла. Такі пасыл прагучаў на пленуме абласнога аб'яднання прафсаюзаў, дзе адбылося вылучэнне кандыдатаў у дэлегаты Усебеларускага народнага сходу.

- Прафсаюзная грамадскасць выбірала кандыдатаў у дэлегаты ВНС шляхам сур'ёзных абмеркаванняў , - падкрэсліў член Савета Рэспублікі, старшыня абласнога аб'яднання прафсаюзаў Юрый Дзяркач . - Гэтыя людзі адданыя нашай дзяржаве, яны вядомыя ў сваёй сферы, шмат зрабілі для Віцебскай вобласці. Кожны з іх валодае дастатковымі кампетэнцыямі, каб прымаць узважаныя рашэнні, каб наша краіна і надалей магла развівацца і ствараць усе ўмовы для чалавека працы.

На Віцебшчыне 98% насельніцтва, занятага ў эканоміцы, знаходзіцца ў самай масавай грамадскай арганізацыі краіны. Сябрамі абласнога аб'яднання прафсаюзаў абрана 10 кандыдатаў у дэлегаты ВНС, сярод іх заслужаныя працаўнікі і маладыя спецыялісты.

Інтарэсы працоўных Міёрскага раёна на ВНС плануе прадстаўляць старшыня раённага аб'яднання прафсаюзаў Аксана Падява. Кандыдат у дэлегаты ўдзячна за аказаны ёй давер і прыкладзе максімум намаганняў.

- Прадстаўляць інтарэсы грамадзянскай супольнасці - вялікі гонар і адказнасць , - адзначыла Аксана Падява . - Лічу, што пытанне суверэнітэту нашай краіны з'яўляецца першачарговым для любога грамадзяніна. Бо калі мы незалежныя, у нас працуе эканоміка, ёсьць родная мова і свая культура. А гэта значыць, што ёсць развіццё і росквіт Беларусі.

Вялікую ўвагу Аксана Падява плануе надаць пытанням замацавання маладых спецыялістаў, прадастаўлення жылля і стварэння цікавага для іх вольнага часу.

Вылучана кандыдатам у дэлегаты і старшыня пярвічкі Гарадоцкага прадпрыемства кацельняў і цеплавых сетак Людміла Рудакова.

- Хацелася б яшчэ раз звярнуць увагу на занятасць у малых рэгіёнах, павышэнне ўзроўню жыцця і заработнай платы. У сферы ЖКГ працую доўгі час і ведаю праблемы галіны знутры , - адзначыла Людміла Рудакова . - Таксама лічу актуальнай праблему бяспекі не толькі для чалавека працы, але і краіны. Таму людзі, якіх абяруць, - гэта ініцыятыўныя, творчыя, патрыёты роднай Беларусі, ім важна і надалей захаваць мір і суверэнітэт.На пасяджэнні ўручылі прафсаюзныя ўзнагароды, разгледзелі вынікі работы па прафілактыцы вытворчага траўматызму, вызначылі задачы на ​​бягучы год.