ВЫКАНАЎЧЫ КАМІТЭТ
Ва ўстановах адукацыі 21 верасня адпрацуюць экстранную эвакуацыю з будынка, паведаміў журналістам начальнік галоўнага ўпраўлення нагляду і прафілактыкі Міністэрства па надзвычайных сітуацыях Дзмітрый Турчын, перадае карэспандэнт БЕЛТА.
"Пад эгідай Дзяржаўнага сакратарыята Савета бяспекі Беларусі штогод праводзіцца адпаведная акцыя. У гэтым годзе яна прыпадае на 21 верасня. Адзіны дзень будзе ўключаць адпрацоўку экстраннай эвакуацыі з будынкаў і збудаванняў. Гэта будзе праходзіць як ва ўсіх установах адукацыі, так і на ўсіх прадпрыемствах нашай краіны", - сказаў Дзмітрый Турчын.
Паводле яго слоў, акцыя дае магчымасць адных навучыць, а з другімі паўтарыць парадак дзеянняў не толькі пры пажары, але і любой надзвычайнай сітуацыі.
Падключаюцца і органы аховы здароўя, дзякуючы чаму ўдзельнікі акцыі атрымліваюць веды па аказанні першай медыцынскай дапамогі, дадаў начальнік галоўнага ўпраўлення.
"Усе дзеці пойдуць у сады і школы, вышэйшыя і сярэднія навучальныя ўстановы, у якіх бяспека ажыццяўляецца тым ці іншых спосабам, у тым ліку арганізацыйна-тэхнічнымі мерапрыемствамі. Замінак у гэтых адносінах не будзе", - падкрэсліў Дзмітрый Турчын.