ВЫКАНАЎЧЫ КАМІТЭТ
Міністэрства жыллёва-камунальнай гаспадаркі Беларусі арганізуе прававы маніторынг ведамаснай пастановы ад 15 красавіка 2016 года нумар 13 "Аб зацвярджэнні Інструкцыі аб парадку планавання і калькулявання затрат на аказанне асобных жыллёва-камунальных паслуг". Аб гэтым паведамляе БЕЛТА са спасылкай на Нацыянальны прававы інтэрнэт-партал.
Задачамі прававога маніторынгу з'яўляюцца: ацэнка эфектыўнасці норм пастановы; выяўленне і аналіз недахопаў прававога рэгулявання грамадскіх адносін, іх прычын, а таксама наступстваў, якія ўзніклі ў працэсе прымянення прававога акта; выпрацоўка прапаноў аб удасканаленні заканадаўства і практыкі яго прымянення, прыняцці мер па належнай рэалізацыі пастановы.
У рамках правядзення прававога маніторынгу пастановы ўсе зацікаўленыя могуць накіроўваць прапановы, у тым ліку аб актуальнасці прававога рэгулявання пастановы, наяўнасці ў ёй устарэлых і неэфектыўных норм; наяўнасці прабелаў, калізій і іншай прававой нявызначанасці, унутраных супярэчнасцей у пастанове, наяўнасці (адсутнасці) аднастайнай практыкі яе прымянення. Таксама будзе разглядацца наяўнасць не рэалізаваных у заканадаўстве адсылачных і бланкетных норм, змешчаных у прававым акце, лішак такіх норм; станоўчыя і адмоўныя наступствы прыняцця пастановы; колькасць і змест зваротаў грамадзян і арганізацый, звязаных з прымяненнем пастановы; неабходнасць карэкціроўкі прававога акта (па магчымасці з канкрэтызацыяй).
Выказацца ў спецыяльнай тэме на Прававым форуме Беларусі можна з 4 па 22 верасня.
Адзначаецца, што накіраваныя прапановы не будуць лічыцца электроннымі зваротамі, і адносна іх не будзе давацца адказ у адпаведнасці з заканадаўствам аб зваротах грамадзян і юрыдычных асоб.