ВЫКАНАЎЧЫ КАМІТЭТ
Паважаныя жыхары раёна! Прыміце шчырыя віншаванні з дзяржаўным святам - Днём Канстытуцыі Рэспублікі Беларусь!
Вялікая і значная роля Асноўнага Закона дзяржавы ў нашым жыцці. Закладзеныя ў ім дэмакратычныя прынцыпы з'яўляюцца найважнейшым фактарам захавання ў грамадстве грамадзянскай згоды, міру і стабільнасці.
З'яўляючыся падмуркам дзяржаўнага ладу Рэспублікі Беларусь, Канстытуцыя гарантуе надзейную абарону правоў і свабод грамадзян, спрыяе захаванню атмасферы міжнацыянальнай і міжканфесійнай згоды, умацаванню гістарычных традыцый і духоўных каштоўнасцей беларускага народа.
Няўхільнае выкананне канстытуцыйных прынцыпаў - залог паспяховай рэалізацыі эканамічнага, культурнага і духоўнага патэнцыялу нашага народа.
Жадаем усім жыхарам раёна моцнага здароўя, шчасця і дабрабыту, новых працоўных здзяйсненняў на карысць роднай зямлі.
Старшыня Талачынскага раённага
выканаўчага камітэта О.М.Лындзiн
Старшыня Талачынскага раённага
Савета дэпутатаў Г.Г.Мурашка