У Талачынскім раёне ўшаноўвалі першых тысячнікаў

Першых камбайнераў ЗТАА «Белдан» і РУП «Талачынскі кансервавы завод», якія намалацілі больш за 1000 тон збожжа, узнагародзілі дыпломамі, грашовымі прэміямі і падарункамі. Уручыць перадавікам заслужаныя нялёгкай працай дыпломы і грашовыя прэміі на палі гаспадарак выехалі старшыня Талачынскага райвыканкама Алег Лындзін, старшыня райкама прафсаюза работнікаў АПК Таццяна Пільшчыкава, старшыня Талачынскага раённага аб'яднання прафсаюзаў, якія ўваходзяць у Федэрацыю прафсаюзаў Беларусі Марына Дудчанка, начальнік аддзела ідэалагічнай работы, культуры і па справах моладзі Алена Валевіч. Святочную атмасферу стваралі артысты аўтаклуба.