ВЫКАНАЎЧЫ КАМІТЭТ
У гэты раз свята першага званка з нецярпеннем чакалі ўсе: і галоўныя героі ўрачыстасці - першакласнікі, і тыя, хто пасля працяглага перапынку зрабіў чарговы крок па доўгай, але такой цікавай, поўнай адкрыццяў школьнай дарозе.
Новы навучальны год адкрыў першы ўрок на тэму «Я вырас тут, і край мне гэты дораг», які прайшоў ва ўсіх класах. Падчас яго правядзення педагогі і навучэнцы казалі пра малую радзіму і яе значэнне ў жыцці кожнага чалавека. Цікавасць да сучаснасці і мінулага свайго краю, здольнасць шанаваць гістарычную і культурную спадчыну, любавацца і шанаваць своеасаблівасць і прыгажосць роднай прыроды - усё гэта дазваляе развіваць каштоўнаснае стаўленне да малой радзімы і асабістую датычнасць кожнага грамадзяніна да яе лёсу.