ВЫКАНАЎЧЫ КАМІТЭТ
У першыя дні кастрычніка ва ўсе часы мы віншуем нашых педагогаў з прафесійным святам-Днём настаўніка.
Мы цёпла і шчыра дзякуем ім за працу, цярпенне, любоў да сваіх вучняў і прафесіі.
Урачыстае мерапрыемства, прысвечанае гэтаму прыгожаму святу, адбылося 2 кастрычніка ў Талачынскім цэнтры культуры і народнай творчасці.
"Вы ўкладваеце ў кожнага свайго вучня часцінку душы, перажываеце за іх няўдачы і радуецеся іх перамогам. Немагчыма падабраць слоў, каб выказаць падзяку за вашу працу. Будзьце шчаслівыя, будзьце здаровыя, будзьце аптымістамі. Шчыра веру, што настаўнік - самая важная прафесія ў свеце. Са святам!"- павіншавала ўсіх настаўнікаў Талачыншчыны намесніца старшыні райвыканкама Алена Бамберава.
Музычнае віншаванне нашым педагогам падарылі ўдзельніцы вакальнага трыа" Дэжавю " з Крупак.
