Грамадскія арганізацыі ўшаноўвалі медыкаў

У рамках дабрачыннай акцыі грамадскай арганізацыі «Беларускі фонд міру» «Нізкі паклон вам, нашы доктары» адбылося ўшанаванне медыцынскіх работнікаў УАЗ «Талачынская цэнтральная раённая бальніца». Намеснік старшыні Талачынскага раённага выканаўчага камітэта Іна Галубкова і старшыня Талачынскай раённай арганізацыі ГА «Беларускі фонд міру» Яніна Шамецька ўручылі граматы і памятныя падарункі лекару анестэзіёлагу-рэаніматолагу Алесе Гіро, урачу-інфекцыяністу Святлане Вяткінай, урачу агульнай практыкі Юліі Бобрык.

Намеснік галоўнага ўрача, старшыня першаснай арганізацыі ГА «Беларускі саюз жанчын» Наталля Панчанка адзначана Ганаровай граматай Віцебскай абласной арганізацыі ГА«Беларускі саюз жанчын» і памятным падарункам за актыўную жыццёвую пазіцыю, ініцыятыву і значны ўклад у развіццё і падтрымку жаночага руху, накіраванага на абарону інтарэсаў жанчын, дзяцей, сям'і.