Дапамога ў працаўладкаванні аказваецца кожнаму звярнуўшамуся жыхару Талачынскага раёна

Чарговае пасяджэнне пастаяннай камісіі па аказанні садзейнічання ў працаўладкаванні Талачынскага райвыканкама адбылося 23 снежня сумесна з міні-кірмашом вакансій.

Свабодныя працоўныя месцы прапанавалі прадстаўнікі кадравых службаў ААТ «Світанак», ДП «Каханава-ЖКГ», ААТ «Талачынскі райаграсэрвіс», ААТ «Зорны-АГРА».

Грамадзяне змаглі напрамую пагутарыць з наймальнікамі.

Маладая жанчына, якая мае малалетняе дзіця, атрымала кансультацыю па пытанні працаўладкавання ў якасці швачкі на ААТ «Світанак». Цалкам верагодна, што праблемы з занятасцю застануцца ззаду.

«Кожную сітуацыю мы разглядаем індывідуальна. Аднак самая галоўная і важная ўмова для працаўладкавання - жаданне працаваць», - адзначыў старшыня камісіі Георгій Мурашка.