Адзіны дзень інфармавання праходзіць сёння ў Талачынскім раёне

Тэма: "Чарнобыль: ад адраджэння да ўстойлівага развіцця".

Пра тое, як наша краіна адрадзілася і працягвае развівацца пасля Чарнобыльскай аварыі, ідзе размова падчас сустрэч з працоўнымі калектывамі арганізацыі і прадпрыемстваў раёна.

За чатыры дзесяцігоддзі Беларусь крок за крокам аднавіла жыццё на пацярпелых тэрыторыях. Зніжэнне радыяцыйнай рызыкі для здароўя людзей, забеспячэнне бяспекі іх жыццядзейнасці - галоўныя мэты дзяржаўнай палітыкі па ліквідацыі наступстваў, якія паступальна вырашаюцца ў рамках рэалізацыі дзяржпраграм і праектаў.