Навіны рэспублікі

Попыт на тэхніку ёсць. Каранкевіч агледзеў пляцоўку новай аўтобуснай вытворчасці МАЗ

Намеснік прэм'ер-міністра Віктар Каранкевіч азнаёміўся з мадэлямі выпускаемай тэхнікі і агледзеў будаўнічую пляцоўку новай аўтобуснай вытворчасці Мінскага аўтамабільнага завода. Аб гэтым паведамілі БЕЛТА ў прэс-службе прадпрыемства.

Сярод прадстаўленых на выстаўцы мадэлей - турыстычны аўтобус МАЗ 350, цягач з юбілейнай серыі МАЗ-54402l, электробус МАЗ 303Е22 і электрагрузавік МАЗ-4381ЕЕ. Генеральны дырэктар Мінскага аўтамабільнага завода Валерый Іванковіч на прыкладзе прадстаўленых навінак расказаў, як на МАЗе працуе праграма імпартазамяшчэння. Сярод мадэлей - транспарт, які працуе як на традыцыйных відах паліва, так і на электрычнай цязе. Было адзначана галоўнае - попыт на тэхніку ёсць. Напрыклад, падпісаны заказ на выраб доследна-прамысловай партыі з 10 адзінак турыстычных аўтобусаў МАЗ 350, а тры электрагрузавікі МАЗ-4381ЕЕ хутка будуць накіраваны ў розныя беларускія арганізацыі для доследнай эксплуатацыі. Спецыялісты МАЗа будуць збіраць водгукі для далейшага ўдасканалення мадэлі. Арганізуюць і сэрвіснае абслугоўванне.

Віцэ-прэм'ер таксама заслухаў даклады адказных асоб за рэалізацыю маштабнага праекта па будаўніцтве аўтобуснай вытворчасці. Віктару Каранкевічу наглядна расказалі і паказалі, дзе будуць знаходзіцца будучыя вытворчыя ўчасткі цэха. Абмеркавалі тэрміны здачы ў эксплуатацыю аб'екта, графік паставак і мантажу абсталявання. Было адзначана, што кіраўніцтвам горада і прадпрыемствы прымаюцца ўсе меры, каб будаўніцтва ішло ў адпаведнасці з устаноўленым планам.