Адзіны ўрок, прысвечаны Дню Канстытуцыі, пройдзе ў школах Беларусі 13 сакавіка

Адзіны ўрок, прысвечаны Дню Канстытуцыі Рэспублікі Беларусь, пройдзе ў школах краіны 13 сакавіка. Такая інфармацыя размешчана на Нацыянальным адукацыйным інтэрнэт-партале, паведамляе БЕЛТА.

Дзецям раскажуць аб правах і абавязках грамадзян, аб каштоўнасцях беларускага грамадства, замацаваных у нашым Асноўным законе. Школьнікі даведаюцца аб структуры і змесце Канстытуцыі, аб унесеных у яе змяненнях і дапаўненнях.

Мэта ўрока - данесці да навучэнцаў палажэнні Канстытуцыі, садзейнічаць фарміраванню ў іх актыўнай грамадзянскай пазіцыі, патрыятызму, жадання рабіць усё для дабрабыту і ўмацавання роднай краіны.

Інфармацыйна-метадычныя матэрыялы для правядзення ўрока размешчаны на Нацыянальным адукацыйным партале.

БелТА