Каму з аспірантаў ВНУ Віцебскай вобласці назначаны стыпендыі Прэзідэнта Беларусі?

Карына Бужынская (ВДТУ) - за распрацоўку рэцэптуры і тэхналогіі пераадолення натуральнага пагаршэння ўласцівасцей другасных абутковых матэрыялаў мадыфікаваннем драўнянавалакністымі адходамі, якія даюць магчымасць за кошт вяртання адходаў у вытворчасці атрымліваць матэрыялы з комплексам уласцівасцей, якія адпавядаюць патрабаванням тэхнічных нарматыўных прававых актаў для дэталей нізу абутку;

Таццяна Гаралевіч (ВДУ імя П.М.Машэрава) - за распрацоўку і ўкараненне віртуальнай базы твораў сцэнаграфічнага мастацтва, спосабаў узаемадзеяння выразных сродкаў асноўных відаў мастацтва пры стварэнні цэласнага сцэнічнага вобраза ў лялечным спектаклі ў адпаведнасці з сучаснымі тэндэнцыямі развіцця беларускай сцэнаграфічнай школы;

Ксенія Калесніковіч (ВДАВМ) - за распрацоўку генна-інжынернага штаму Escherichia coli, які сінтэзуе бялок рэспіраторна-сінцыцыяльнага віруса буйной рагатай жывёлы, для замены ім культуральнага віруса ў вакцыне "Бальшавік Р", што дазволіць знізіць сабекошт да 1 прафілактычную эфектыўнасць да 96 працэнтаў;

Вераніка Малаток (ВДМУ) - за распрацоўку складу і тэхналогіі атрымання імпартазамяшчальнага гемастатычнага лекавага сродку для мясцовага прымянення, доказ эфектыўнасці і бяспекі ва ўмовах in vivo новага эфектыўнага лекавага сродку для спынення парэнхіматознага крывацёку;

Сяргей Нікіфараў (ПДУ імя Ефрасінні Полацкай) - за распрацоўку комплексных паказчыкаў вызначэння і прагназавання эканамічнай эфектыўнасці вытворчасці мясной і малочнай прадукцыі на падставе ацэнкі спажывецкага кошту базавых сыравінных кампанентаў.

Вольга Прышчэпенка (ВДМУ) - за атрыманне новых даных аб механізме развіцця пашкоджанняў галаўнога мозгу пры ізаімунізацыі па сістэмах АВА і рэзус у нованароджаных дзяцей, распрацоўку і ўкараненне крытэрыяў дыягностыкі пашкоджанняў галаўнога мозга ў гэтых пацыентаў.

Фота тэлеграм-канал "Віцебская вобласць. Афіцыйна".