Ірына Ляўковіч: Сёння тавараабарот Віцебска займае 38 працэнтаў у агульным тавараабароце вобласці

Сёння тавараабарот Віцебска займае 38 працэнтаў у агульным тавараабароце вобласці. Пра гэта заявіла член Савета Рэспублікі Нацыянальнага сходу Рэспублікі Беларусь – Намеснік старшыні Пастаяннай камісіі Савета Рэспублікі па эканоміцы, бюджэце і фінансах Ірына Ляўковіч.

Ірына Ляўковіч, член Савета Рэспублікі Нацыянальнага сходу Рэспублікі Беларусь-Намеснік старшыні Пастаяннай камісіі Савета Рэспублікі па эканоміцы, бюджэце і фінансах:

- Любы абласны цэнтр-гэта візітная картка рэгіёна. Сёння тавараабарот Віцебска займае 38 працэнтаў у агульным тавараабароце вобласці. А ўлічваючы, што ў нас чатыры буйныя гарады (акрамя Віцебска – Полацк, Наваполацк, Орша), 21 раён, і калі адзін горад займае такую ўдзельную вагу, то яго ўплыў на ўсе асноўныя выніковыя паказчыкі вялікі. Таму для нас сёння вельмі важна, каб менавіта Віцебск развіваўся дынамічна ва ўсіх сэнсах: і ў выкананні аб'ёму рознічнага тавараабароту, і ў нарошчванні айчынных тавараў, і ў развіцці сеткі, іншай інфраструктуры, і ў адкрыцці буйных гандлёвых аб'ектаў, і ў пашырэнні фармату «Каля дома». Паказчык насычанасці гандлёвымі плошчамі ў нас больш чым у паўтара раза перавышае тыя нарматывы сацыяльнага стандарту, якія нам даведзены. Іншая справа, што на фоне такой забяспечанасці зусім іншым чынам ідуць справы з грамадскім харчаваннем, пра што і ішла размова на сесіі гарсавета. Тут як раз не выконваецца сацыяльны стандарт, таму ўсе намаганні трэба засяродзіць на тым, каб у 2025 годзе паказчык па забяспечанасці насельніцтва даступнай сеткай грамадскага харчавання быў выкананы.

На вельмі сур'ёзным кантролі, як выразна паказвае кіраўнік дзяржавы, у нас застаецца пытанне цэнавай палітыкі. Як падкрэсліў Прэзідэнт на нядаўняй нарадзе, цэны-гэта тая сацыяльна-эканамічная катэгорыя, якая хвалюе людзей перш за ўсё, таму ўвага да яе не будзе слабець. Як мы ведаем, дадзенае даручэнне ўраду з досыць кароткім тэрмінам выканання (травень-красавік), каб выпрацаваць новыя ўмовы цэнаўтварэння і для вытворцаў, і для суб'ектаў гандлю. Але самая галоўная задача пры гэтым, каб не было неўтаймоўнага росту інфляцыі.