Віншаванне кіраўніцтва раёна з Раством Хрыстовым

Паважаныя святары, вернікі беларускай праваслаўнай царквы і іншых хрысціянскіх цэркваў, якія святкуюць Нараджэнне Хрыстова 7 студзеня!

Сардэчна віншуем вас са светлым святам Нараджэння Хрыстова!

Ва ўсім хрысціянскім свеце гэта свята ўшаноўваюць як самае радаснае і душэўнае. Яно дорыць людзям нязгаснае святло веры і надзеі, напаўняе сэрцы любоўю і радасцю. Яно звяртае ўсіх нас да вечных хрысціянскіх каштоўнасцяў, прымушае асабліва ўважліва зірнуць на сваё жыццё, на свае справы і ўчынкі, натхняе на здзяйсненне добрых спраў, на чуласць і ўвагу да ўсіх, хто мае патрэбу ў спагадзе, дапамозе і клопаце.

У гэтыя цудоўныя святочныя дні ад усёй душы жадаем вам шчасця і радасці, любові і ўзаемаразумення. Хай жыватворнае святло Раства Хрыстова сагрэе вашы дамы цяплом і ўтульнасцю, надасць сіл у пераадоленні жыццёвых цяжкасцяў, дапаможа стаць лепш і мудрэй.

Старшыня Талачынскага раённага

выканаўчага камітэта О.М.Лындзiн

Старшыня Талачынскага

раённага Савета дэпутатаў Г.Г.Мурашка