«Снежны снайпер»: раённы этап спаборніцтваў збярэ талачынскіх школьнікаў на стадыёне «Меліяратар»

13 студзеня стартуюць раённыя спаборніцтвы для дзяцей і падлеткаў па біятлоне «Снежны снайпер».

На старты выйдуць хлопцы з устаноў адукацыі Талачынскага раёна ў трох узроставых групах: 2011-2012, 2009-2010, 2007-2008 гадоў нараджэння.

Спаборніцтвы пройдуць у спрынтарскіх гонках і змешаных эстафетах.

Па выніках спаборніцтваў будзе сфарміравана раённая зборная каманда, якая прыме ўдзел у абласным этапе спаборніцтваў «Снежны снайпер».

Пажадаем спартсменам удачы і чакаем вынікаў!