Прафілактычную акцыю «Мотарух - без парушэнняў!» правядуць супрацоўнікі ДАІ ў Талачынскім раёне

З 23 па 30 красавіка 2021 года ДАІ праводзіць прафілактычную акцыю «Мотарух - без парушэнняў!».

У студзені-сакавіку 2021 года з удзелам матацыклістаў здзейснена 9 ДТЗ, у якіх 10 чалавек атрымалі траўмы. За два выходныя дні (10 і 11 красавіка) у Мінску і Гомельскай вобласці ў ДТЗ з удзелам матацыклістаў загінулі 2 чалавека.

У мэтах прафілактыкі ДТЗ з удзелам дадзенай катэгорыі кіроўцаў Дзяржаўтаінспекцыя праводзіць прафілактычную акцыю «Мотарух - без парушэнняў!». Падчас мерапрыемстваў будуць праведзены адпрацоўкі населеных пунктаў і прылеглых да іх аўтадарог, накіраваныя на папярэджанне і спыненне парушэнняў Правілаў дарожнага руху вадзіцелямі мотатранспарту з прымяненнем сакрэтнага і змешанага кантролю за дарожным рухам, у тым ліку з выкарыстаннем наяўнага ў падраздзяленнях ДАІ службовага мотатранспарту.

Таксама будзе праведзена інфармацыйна-растлумачальная работа ў працоўных калектывах, установах адукацыі, сярод прадстаўнікоў адпаведных грамадскіх аб'яднанняў і клубаў, з уласнікамі мотатранспарту аб парадку атрымання пасведчання кіроўцы, пастаноўкі матацыкла, мапеда на ўлік, правілах бяспечных паводзінаў на дарогах пры эксплуатацыі двухколавых транспартных сродкаў.

Дзяржаўтаінспекцыя заклікае ўладальнікаў мотатранспарту да няўхільнага выканання Правілаў дарожнага руху. Памятаеце, перш чым сесці за руль матацыкла, неабходна паклапаціцца аб наяўнасці пасведчання кіроўцы адпаведнай катэгорыі. Кіраванне мотатранспартам без адпаведнай катэгорыі цягне накладанне адміністрацыйнага спагнання ў выглядзе штрафу ў памеры ад 5 да 20 базавых велічынь. Тыя ж дзеянні, учыненыя паўторна на працягу года пасля накладання адміністрацыйнага спагнання за такія ж парушэнні, цягнуць штраф у памеры ад 20 да 50 БВ або адміністрацыйнага арышту. Не варта забываць аб выкарыстанні сродкаў пасіўнай бяспекі, у прыватнасці моташлема.