Прафілактычная акцыя «Пешаход» пройдзе ў Талачынскім раёне з 2 па 12 кастрычніка

З 2 па 12 кастрычніка ў Віцебскай вобласці Дзяржаўтаінспекцыя правядзе рэспубліканскую прафілактычную акцыю пад назвай «Пешаход».

Накіравана яна на прафілактыку і папярэджанне дарожна-транспартных здарэнняў з удзелам пешаходаў, а таксама папулярызацыю выкарыстання святлоадбіўных элементаў у цёмны час сутак.

Штодня інспектары Дзяржаўтаінспекцыі будуць ажыццяўляць нагляд за выкананнем правілаў пераходу праезнай часткі, а таксама спыняць парушэнні гэтых правілаў, у тым ліку і ў частцы выкарыстання святловяртальных элементаў.