Поспех талачынскіх хлебаробаў на залатой ніве

У сонечны дзень рухаючыеся па залатой хлебнай ніве жоўтыя камбайны «Нью-Холанд» выклікаюць асаблівую захапленне сваёй моцай. На адным з іх на палях Талачынскага элеватара другі сезон з трох разам працуюць кіроўца ГП «Каханава-ЖКГ» Сяргей Спаткай (на здымку справа) і працаўнік райаграсэрвіса Уладзімір Белахонаў.

Два гады запар яны заваёўвалі ганаровае званне экіпажа-тысячніка. У мінулым годзе сталі першымі тысячнікамі ў раёне, і ў гэтым - зноў поспех. На 9 жніўня яны перасягнулі тысячны рубеж.

Ураджайнасць на прадпрыемстве складае 40 цэнтнераў з гектара, а таму ёсць падставы камбайнерам спадзявацца на перавышэнне свайго леташняга дасягнення, калі да канца жніва з улікам рапсу яны намалацілі больш за 4,5 тысячы тон.

Слава героям жніва галавы не кружыць. Яны ведаюць, што толькі высокім прафесіяналізмам, паразуменнем адзін аднаго і поўнай аддачай справе можна дамагчыся поспеху.

Павіншаваць экіпаж-тысячнік і ўручыць ганаровыя граматы і падарункі на поле прыбылi першы намеснік старшыні - начальнік упраўлення па сельскай гаспадарцы і харчаванню райвыканкама Мікалай Сцежкін і старшыня райкама прафсаюза работнікаў АПК Таццяна Пільшчыкава.

Мікалай Мікалаевіч адзначыў, што гэта трэці экіпаж-тысячнік у раёне, што станоўча характарызуе ўклад хлебаробаў Талачыншчыны ў агульны каравай. На падыходзе да запаветнага рубяжа і іншыя экіпажы.

Ён падзякаваў прысутным на полi працаўнікам за іх працу і пажадаў здароўя і далейшых поспехаў. Таццяна Пільшчыкава ўручыла экіпажу зорку з тысячнай адзнакай, якую камбайнеры з гонарам наклеілі на камбайн.

Новых вам поспехаў і да новых сустрэч!

Марыя ХМЕЛЮК.