Кіраўніцтва Талачынскага раёна віншуе з Днём Перамогі

Дарагія ветэраны!

Паважаныя жыхары і госці Талачынскага раёна!

Віншуем вас са знамянальным вялікім святам усяго нашага народа - Днём Перамогі! Гэты дзень назаўжды ўвайшоў у лёс нашай краіны, у сэрцы кожнага яе грамадзяніна і ўпісаны ў гісторыю як сімвал вясны і мірнага жыцця, мужнасці і доблесці, высакароднасці і адвагі, патрыятызму і любові да Радзімы.

Вялікая ўдзячнасць, гонар і слава ўсім, хто гераічна змагаўся за свабоду нашай Радзімы, пераадолеў усе нягоды і жахі вайны, тым, хто набліжаў перамогу, як толькі мог - і на фронце, і ў тыле.

Няхай надоўга застанецца светлая памяць у нашых душах і сэрцах пра герояў, якія аддалі сваё жыццё за нашу шчаслівую будучыню і дабрабыт, за чыстае, мірнае неба над нашымі галовамі.

Няхай на нашай зямлі ніколі больш не будзе вайны! Хай у блакітным небе над нашай Радзімай ніколі не рвуцца снарады, хай не будуць плакаць дзеці, удовы і маці! Жадаем усім моцнага здароўя і бясконцага шчасця, кахання, дабра, годнага дабрабыту і міру!

З павагай,

старшыня Талачынскага

раённага выканаўчага камітэта О.М.Лындзiн

старшыня Талачынскага раённага

Савета дэпутатаў Г.Г.Мурашка