ДАІ правядзе ў Талачынскім раёне Адзіны дзень бяспекі дарожнага руху

18 снежня Дзяржаўтаінспекцыя правядзе Адзіны дзень бяспекі дарожнага руху пад дэвізам «Скажы абыякавасці «не» - патэлефануй 102».

Не надта гучным словам з'яўляецца выказванне, што п'яны кіроўца - патэнцыйны забойца. Яны могуць нанесці шкоду не толькі сабе, але і іншым удзельнікам дарожнага руху. Пры ап'яненні губляецца здольнасць хутка рэагаваць на небяспеку і своечасова прымаць рашэнне ў складаных сітуацыях на дарозе. Пры гэтым многія вадзіцелі, выпіўшы спіртное, пераацэньваюць свае здольнасці і лічаць, што змогуць прадухіліць аварыю, практычна цалкам губляючы пільнасць. На справе аказваецца, што іх рэакцыя з'яўляецца запаволенай, хоць самім аўтамабілістам на момант перамяшчэння так не здаецца.

З пачатку 2020 года на дарогах Віцебскай вобласці адбылося 46 ДТЗ з удзелам п'яных кіроўцаў, у якіх 47 чалавек атрымалі траўмы рознай ступені цяжару і 19 чалавек загінулі. Так, 11 лютага 39-гадовы віцяблянін, знаходзячыся за рулём аўтамабіля Rover 200, здзейсніў наезд на дзяўчыну, якая ішла па тратуары. 6 сакавіка ў Чашніцкім раёне пацярпеў п'яны кіроўца. 30-гадовы мужчына, знаходзячыся за рулём матацыкла «Мінск» выехаў за межы праезнай часткі і ўчыніў наезд на светлавую апору. 19 ліпеня ў Полацкім раёне адбылося смяротнае ДТЗ. На 20 кіламетры аўтадарогі «Полацк-Расоны» 45-гадовы кіроўца Volkswagen Jetta з'ехаў у кювет, аўтамабіль перакуліўся. У момант аварыі вадзіцель не быў прышпілены рамянём бяспекі і знаходзіўся за рулём у нецвярозым стане. Ад атрыманых раненняў ён памёр на месцы.

Кіроўцы ў стане алкагольнага ап'янення не дапускаюцца да кіравання аўтамабілем. У Кодэксе аб Адміністрацыйных правапарушэннях Рэспублікі Беларусь за кіраванне аўтамабілем у стане алкагольнага ап'янення прадугледжана пазбаўленне пасведчання кіроўцы тэрмінам на 3 гады.

Калі вы сталі відавочцам ці вам дакладна вядома пра факт кіравання транспартным сродкам у стане алкагольнага ап'янення, паведаміце інфармацыю аб гэтым у дзяжурную частку ДАІ альбо па тэлефоне 102