Адзіны дзень бяспекі дарожнага руху пройдзе 28 мая ў Талачынскім раёне

28 мая на тэрыторыі Віцебскай вобласці пройдзе Адзіны дзень бяспекі дарожнага руху «Захаваем нашу будучыню!»

Прафілактычныя мерапрыемствы ДАІ будуць накіраваны на прафілактыку дзіцячага дарожна-транспартнага траўматызму напярэдадні летніх канiкул.

Канец навучальнага года зусім блізка. Дзеці ўсё лета будуць адпачываць ад урокаў, педагогаў і пазакласных заняткаў. У гэты перыяд асабліва важна акцэнтаваць увагу на прафілактыцы дзіцячага траўматызму на дарогах.

З пачатку 2021 года на тэрыторыі Віцебскай вобласці адбылося 13 аварый з удзелам дзяцей. У маі мінулага года было зарэгістравана 8 ДТЗ з гэтымі ж удзельнікамі дарожнага руху.

Асноўная прычына, па якой адбываюцца аўтамабільныя аварыі з непаўналетнімі - гэта няўважлівасць. Пешаходу гарыць зялёны сігнал святлафора, аднак ён не пераканаўся ў бяспецы выхаду на праезную частку. У гэты час кіроўца адцягнуўся на што-небудзь і не заўважыў дзіця, якое пераходзіла дарогу. У выніку - бяда, якую была магчымасць пазбегнуць. Самым простым Правілам дарожнага руху вучаць яшчэ з дзіцячага садка. Кожны пешаход пры выхадзе на праезную частку, абавязаны пераканацца ў бяспецы сваіх дзеянняў. Пераходзіць дарогу неабходна толькі па пешаходным пераходзе і на зялёны сігнал святлафора. У сваю чаргу кіроўцы абавязаны, пад'язджаючы да пешаходных пераходаў, рухацца з хуткасцю, якая дазволіць спыніцца для пропуску пешаходаў. Згодна Правілам дарожнага руху, у населеным пункце хуткасць руху аўтамабіляў не павінна перавышаць 60 км/г, калі тэхнічнымі сродкамі арганізацыі дарожнага руху не ўстаноўлены iншы парадак на асобных участках дарог. Калі ў вашым аўтамабілі едзе дзіця да 5 гадоў, то яно павінна знаходзіцца ў дзіцячай утрымліваючай прыладзе. Ва ўзросце з 5 да 12 гадоў дапускаецца выкарыстанне іншых утрымліваючых сродкаў (бустэраў або спецыяльных падушак для сядзення), якія дазваляюць бяспечна прышпіліць пасажыра рамянём бяспекі. Калі рост дзіцяці перавышае 150 см, дапускаецца выкарыстаньне толькі рамяня бяспекі.

Ровар і дзеці ў цёплае надвор'е - непадзельныя паняцці. Задача кожнага дарослага растлумачыць свайму дзіцяці, што захапленне двухколавым спортам можа звярнуцца бядой. Пад'язджаючы да пешаходнага пераходу, веласіпедыст абавязаны спешыцца. Нават, калі вельмі спяшаецца або проста лянота.

Нашэнне святловяртальных элементаў актуальна ў любую пару года. Менавіта флікер дапаможа кіроўцу заўважыць у цемры дзіцяці.

Паважаныя дарослыя! Памятаеце, дзеці заўсёды глядзяць на вас. Бо, калі на іх вачах дарослы чалавек парушае Правілы дарожнага руху, ён задумваецца: «А чаму мне нельга?» Будзьце годным прыкладам бяспечных паводзін на дарозе.