24 верасня на тэрыторыі Віцебскай вобласці пройдзе Адзіны дзень бяспекі дарожнага руху

"Паклапаціся пра бяспеку! Стань прыкметным на дарозе!".

Мэта мерапрыемства: прапаганда выкарыстання флікераў і камізэлек павышанай бачнасці пешаходамі, веласіпедыстамі, возчыкамi коннага транспарту.

Па статыстыцы менавіта восенню і зімой узрастае колькасць ДТЗ з удзелам пешаходаў. У першую чаргу гэта звязана са скарачэннем працягласці светлавога дня і пагаршэннем умоў надвор'я. Людзі, апранаюцца ў вопратку цёмных таноў і ў змроку, у тумане, пры дажджы і ноччу становяцца практычна незаўважнымі для кіроўцаў.

Пешаход і веласіпедыст падчас руху ў цемры становяцца бачнымі для аўтамабіліста ў лепшым выпадку за 25-30 метраў. Святлоадбівальныя элементы дазваляюць удзельнікам руху «свяціцца» ў блізкім святле фар на адлегласці 130-140 метраў, а пры руху з далёкім святлом адлегласць павялічваецца да 400 метраў.

Важна, правільна замацаваць флікеры - яны павінны быць добра бачныя кіроўцам, а не схаваны за торбай або зморшчынамі адзення. Аптымальным варыянтам з'яўляецца выкарыстанне павязак і бранзалетаў, прымацаваных на руках і нагах пешахода з боку праезнай часткі.

Нагадваем, што пры руху па дарозе ў цёмны час сутак і (або) пры яе недастатковай бачнасці на веласіпедзе і гужавым транспартным сродку спераду павінен быць уключаны ліхтар, які выпраменьвае белы свет, ззаду - ліхтар, які выпраменьвае чырвонае святло. Акрамя таго, веласіпедыстам і возчыкам гужавых павозак рэкамендуецца апранаць камізэлькі павышанай бачнасці.

У сваю чаргу вадзіцелі павінны праяўляць павышаную ўвагу пры праездзе пешаходных пераходаў і руху па трасах паблізу населеных пунктаў.